Fugitive Poetry. 1600–1878/Simon Brodie

​
Simon Brodie.
Heard ye e'er o' our gudeman, The gaucy laird o' braid Dunwodie,The wale o' cocks at cap or can; Honest, canty Simon Brodie.  Auld farran, canty bodie,   Winsome, pranksome, gleesome bodie,  The crack o' a' the kintra side.   Is auld canty Simon Brodie.
Simon he's a strappin' chiel, Eor looks wad mell wi' ony bodie,In height an ell but an' a span. An' twice as braid is Simon Brodie:  Troth he is a canty bodie,   An auld farran, canty bodie,  An' tho' his pow's baith thin and grey,,   Ye'd hardly match me Simon Brodie.
Simon Brodie had a wife, I wat she was baith proud and bonny,He took the dishclout frae the bink, And preent it till her cockernony!  Wasna she a thrifty bodie,   The braw, braw lady o' Dunwodie,  In claes sae fine to dress and dine,   Wi' sic a laird as Simon Brodie.
An' Simon had a branded cow, He tint his cow and couldna find her,He sought her a' the lee lang day, But the cow cam hame wi' her tail ahind her.  Yet think na him a doited bodie,   Think na him a davert bodie,  He ha'ein' walth o' warld's gear   Maks men respect auld Simon Brodie.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.