Page:Fugitive Poetry 1600-1878.djvu/405

This page has been proofread, but needs to be validated.
DONALD OF THE ISLES.
387
"My coat, mither, shall be o' the plaiden, A tartan kilt over my knee;Wi' hosens, and. brogues, and the bonnet, I'll court her wi' nae flatterie."
When he cam' to Edinbruch city, He played at the ring and the ba',And saw mony a bonny young lady, But Lizzie Lindsay was first o' them a'.
Syne dressed in his Hieland grey plaiden, His bonnet abune his e'e-bree,He called on fair Lizzie Lindsay, Says, "Lizzie, will ye fancy me?
"And gae to the Hielands, my lassie, And gae, gae wi' me?O gae to the Hielands, Lizzie Lindsay, I'll feed ye on curds and green whey.
"And ye'se get a, bed o' green bracken, My plaidie will hap thee and me;Ye'se lie in my arms, bonnie Lizzie, If ye'll gae to the Hieland's wi' me."
"O how can I gae to the Hielands, Or how can I gae wi' thee,When I dinna ken whare I'm gaing, Nor wha 'tis I hae to gae wi'?"
"My father, he is an auld shepherd, My mither, she is an auld dey;[1]My name, it is Donald Macdonald, My name I will never deny."
"O Donald, I'll gie you five guineas, To sit but ae hour in my room,Till I tak' aflt your ruddy picture, When I hae it I'll never think lang."
"I dinna care for your five guineas, It's you that's the jewel to me;I've plenty o' kye in the Hielands, To feed you wi' curds and green whey.
  1. ↑ Dairywoman.

c c 2

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.