Page:Fugitive Poetry 1600-1878.djvu/406

This page has been proofread, but needs to be validated.
388
DONALD OF THE ISLES.
"And ye'se get a bonnie blue plaidie, Wi' red and green stripes through it a';And I'll be the lord of your dwelling, And that's the best picture o' a'.
"And I'm laird of a' my possessions, The king canna boast o' nae mair;And ye'se hae my true heart in keeping, There'll no other ane hae a share.
"Sae gae to the Hieland's, my lassie, O gae awa' happy wi' me;O gae to the Hielands, Lizzie Lindsay, And herd the wee lammies wi' me!"
"O how can I gae wi' a stranger, O'er hills and o'er glens frae my hame?""I tell ye I am Donald Macdonald, I'll ever be proud o' my name."
Down cam' Lizzie Lindsay's ain father, A knight o' a noble degree;Says, "If ye do steal my dear daughter, It's hanged ye quickly shall be!"
On his heel he turned round sae quickly, And a light lauch he did gie:"There's nae law in your Edinbruch city This day than can daur to hang me!"
Then up bespak Lizzie's bower-maiden— And a bonnie young lassie was she—"If I had but ae crown in the warld, It's Donald that I wad gae wi'."
"O Helen, wad ye leave your coffer, And a' your silk kirtles sae braw,And gang wi' a puir Hieland laddie, And leave father, mither, and a'?
"But I think he's a witch or a warlock, Or something o' that fell degree,For I'll gae awa' wi' young Donald, Whatever my fortune may be."
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.