Page:The English Reports v72 1907.pdf/163

This page has been proofread, but needs to be validated.
REPORTS d'ascuns CASES (qui ont evenus aux temps du Roy Henry le Septieme de tres heureuse memoire, & du tres illustre Roy Henry le huitiesme, & ne sont comprises deins les livres des Terms & Ans demesmes les Roys.) Seliges hors des papieres de ROBERT KEILWEY, Esq.; par JEAN CROKE, Sergeant al Ley, Jades Recorder del City de Londres & Prolocuteur del meason des Communes es derniers jour du regne de la Royne Elizabeth. 1688.


Ovesque les Reports d'ascuns Cases prises per le Reverend Juge Guilleaume Dallison un des Justices del Bank le Roy, au temps de la Reyne Elizabeth & per Guilleaume Benloe Serjeant al Ley au temps de la mesme Royne; touchants la construction de divers Acts de Parliament par equité.
La tierce Edition embellie de pluis que deux milles References aux autres livers cybien Ancient que Moderne de la ley, Jamais uncore imprimés.


[1] De Termino Michaelis. Anno 12 Henrici Septimi.


 1.
Quare Impedit. En Quare Impedit [1] suit tenus que si advowson discend a 4. Coparceners, & puis le mort lour ancester lesglise est void, si eux ne polent agreer en presentment, lencumbent leigne soer serra receive, & induct, & issint al second temps lencumbent le second soer & sic de singulis, & en mesme le Quare Impedit le case fuit tiel: Que le second soer quant el venust a son turue el suffra un usurpation destre fait, fuit move pur un question si cest usurpation suffre, mittera le 3. Coparcener a ascun prejudice, & per lopinion del Court & del Barre, que il ne serra ascun prejudice a le 3. soer mes que el presentera quant il vient a sa turne, & issint del 4. soer. Et fuit dist que per le presentement del 3. soer ou 4. soer apres le usurpation ewe a le turne del seconde le usurpation est avoide, & le seconde soer quant el rovient a sa turn poit present, & le reason del Woode Judge fuit, pur ceo que touts eux nont finon que un title & joynt title, issint que sur ascun disturbance fait al turne dascun de eux ils sont de joynder en un actiou, donqz quant un usurpation est ewe a un temps a le turne de un de eux, & pais a le turne dun auter un presentation & induction est ewe, & per un auter de les soers a sa turne cest induction est le restitution al touts, pur ceo que lour title est joynte pur le cause avantdit, & issint le usurpation avant ewe clerement avoid, & mesme

  1. ↑ 45 Ed. 3. 12 b. F. N. B. 33 m. 34 V. 2 Inst. 365. Bro. Qu. Imp. 10, 12. 2 H. 7. fo. 4, 5. Bro. Qu. Imp. 118. 22 Ed. 4. 8, 9. 33 H. 6. 47 a.

153

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.