Page:The poetical works of Robert Burns.djvu/320

This page has been proofread, but needs to be validated.
254
THE SONGS OF BURNS.

O, ONCE I LOV'D A BONIE LASS.

TUNE—'I AM A MAN UNMARRIED.'

O, once I lov'd a bonie lass,Ay, and I love her still,And whilst that virtue warms my breastI'll love my handsome Nell.Fal lal de ral, &c.
As bonie lasses I hae seen,And monie full as braw,But for a modest gracefu' mienThe like I never saw.
A bonie lass, I will confess,Is pleasant to the ee,But without some better qualitiesShe's no a lass for me.
But Nelly's looks are blithe and sweet,And what is best of a',Her reputation is complete,And fair without a flaw.
She dresses aye sae clean and neat,Both decent and genteel:And then there's something in her gaitGars onie dress look weel.
A gaudy dress and gentle airMay slightly touch the heart,But it's innocence and modestyThat polishes the dart.
'Tis this in Nelly pleases me,'Tis this enchants my soul!For absolutely in my breastShe reigns without control.Fal lal de ral, &c.

A BOTTLE AND FRIEND.

Here's a bottle and an honest friend!What wad ye wish for mair, man?Wha kens, before his life may end,What his share may be o' care, man?Then catch the moments as they fly,And use them as ye ought, man:—Believe me, happiness is shy,And comes not ay when sought, man.

I'LL KISS THEE YET.

TUNE—'THE BRAES O' BALQUHIDDER.'

Chorus.I'll kiss thee yet, yet,An' I'll kiss thee o'er again,An' I'll kiss thee yet, yet,My bonie Peggy Alison!
Ilk care and fear, when thou art near,I ever mair defy them, O;Young Kings upon their hansel throneAre no sae blest as I am, O!I'll kiss thee, &c.
When in my arms, wi' a' thy charms,I clasp my countless treasure, O;I seek nae mair o' Heaven to share,Than sic a moment's pleasure, O!I'll kiss thee, &c.
And by thy een sae bonie blue,I swear I'm thine for ever, O;—And on thy lips I seal my vow,And break it shall I never, O!I'll kiss thee, &c.

YOUNG JOCKEY.

Young Jockey was the blithest ladIn a' our town or here awa;Fu' blithe he whistled at the gaud,Fu' lightly danc'd he in the ha'!He roos'd my een sae bonie blue,He roos'd my waist sae genty sma';An' aye my heart came to my mou,When ne'er a body heard or saw.
My Jockey toils upon the plain,Thro' wind and weet, thro' frost and snaw;And o'er the lea I look fu' fainWhen Jockey's owsen hameward ca'.An' aye the night comes round again,When in his arms he takes me a';An' aye he vows he'll be my ainAs lang's he has a breath to draw.
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.