Page:The poetical works of Robert Burns.djvu/341

This page has been proofread, but needs to be validated.
THE SONGS OF BURNS.
271

MY LADY'S GOWN THERE'S GAIRS UPON'T.

CHORUS.My lady's gown there's gairs upon'tAnd gowden flowers sae rare upon't;But Jenny's jimps and jirkinet,My lord thinks muckle mair upon't.
My lord a-hunting he is gane,But hounds or hawks wi' him are nane,By Colin's cottage lies his game,If Colin's Jenny be at hame.My lady's gown, &c.
My lady's white, my lady's red,And kith and kin o' Cassillis' blude,But her ten-pund lands o' tocher guidWere a' the charms his lordship lo'ed.My lady's gown, &c.
Out o'er yon muir, out o'er yon moss,Whare gor-cocks thro' the heather pass,There wons auld Colin's bonie lass,A lily in a wilderness.My lady's gown, &c.
Sae sweetly move her genty limbs,Like music notes o' lover's hymns:The diamond dew in her een sae blue,Where laughing love sae wanton swims,My lady's gown, &c.
My lady's dink, my lady's drest,The flower and fancy o' the west;But the lassie that a man lo'es best,O that's the lass to make him blest.My lady's gown, &c.

ROBIN SHURE IN HAIRST.

CHORUS.Robin shure in hairst,I shure wi' him,Fient a heuk had I,Yet I stack by him.
I gaed up to Dunse,To warp a wab o' plaiden,At his daddie's yett,Wha met me but Robin.
Was na Robin bauld,Tho' I was a cotter,Play'd me sic a trickAnd me the eller's dochter?Robin shure, &c.
Robin promis'd meA' my winter vittle;Fient haet he had but threeGoose feathers and a whittle.Robin shure, &c.

O WHY THE DEUCE.

EXTEMPORE. APRIL 1782.

O why the deuce should I repine,And be an ill foreboder?I'm twenty-three, and five feet nine—I'll go and be a sodger.
I gat some gear wi' meikle care,I held it weel thegither;But now it's gain and something mair,I'll go and be a sodger.
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.