Page:The poetical works of Robert Burns.djvu/348

This page has been proofread, but needs to be validated.
278
THE SONGS OF BURNS.

AS I WAS A WANDERING.

TUNE—'RINN MEUDIAL MO MHEALLADH.'

As I was a wand'ring ae midsummer e'enin',The pipers and youngsters were making their game;Amang them I spied my faithless fause lover,Which bled a' the wounds o' my dolour again.
Weel, since he has left me, may pleasure gae wi' him;I may be distress'd, but I winna complain;I flatter my fancy I may get anither,My heart it shall never be broken for ane.
I could get na sleeping till dawin' for greetin',The tears trickled down like the hail and the rain;Had I na got greetin', my heart wad a broken,For, oh! love forsaken's a tormenting pain.
Although he has left me for greed o' the siller,I dinna envy him the gains he can win;I rather wad bear a' the lade o' my sorrowThan ever hae acted sae faithless to him.
Weel, since he has left me, may pleasure gae wi' him,I may be distress'd, but I winna complain;I flatter my fancy I may get anither,My heart it shall never be broken for ane.

TIBBIE DUNBAR.

TUNE—'JOHNNY M'GILL.'

O wilt thou go wi' me, sweet Tibbie Dunbar?O wilt thou go wi' me, sweet Tibbie Dunbar?Wilt thou ride on a horse, or be drawn in a car,Or walk by my side, O sweet Tibbie Dunbar?I care na thy daddie, his lands and his money,I care na thy kin, sae high and sae lordly:But say thou wilt hae me for better for waur,And come in thy coatie, sweet Tibbie Dunbar.
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.