Page:The poetical works of Robert Burns.djvu/361

This page has been proofread, but needs to be validated.
THE SONGS OF BURNS.
289
But I'll big a bower on yon bonie banks,Where Tay rins wimplin' by sae clear;And I'll cleed thee in the tartan sae fine,And mak thee a man like thy daddie dear.

MERRY HAE I BEEN TEETHIN' A HECKLE.

TUNE—'LORD BREADALBANE'S MARCH.'

O merry hae I been teethin' a heckle,And merry hae I been shapin' a spoon;O merry hae I been cloutin a kettle,And kissin' my Katie when a' was done.O a' the lang day I ca' at my hammer,An' a' the lang day I whistle and sing,A' the lang night I cuddle my kimmer,An' a' the lang night as happy's a King.
Bitter in dool I lickit my winnins,O' marrying Bess, to gie her a slave:Bless'd be the hour she cool'd in her linnens,And blythe be the bird that sings on her grave.Come to my arms, my Katie, my Katie,An' come to my arms, and kiss me again!Drunken or sober, here's to thee, Katie!And bless'd be the day I did it again.

O MALLY'S MEEK, MALLY'S SWEET.

O Mally's meek, Mally's sweet,Mally's modest and discreet,Mally's rare, Mally's fair,Mally's every way complete.As I was walking up the street,A barefit maid I chanced to meet;But O the road was very hardFor that fair maiden's tender feet.
It were mair meet that those fine feetWere weel laced up in silken shoon,And 'twere more fit that she should sitWithin yon chariot gilt aboon.
Her yellow hair, beyond compare,Comes trinkling down her swan-white neck,And her two eyes, like stars in skies,Would keep a sinking ship frae wreck.O Mally's meek, Mally's sweet,Mally's modest and discreet,Mally's rare, Mally's fair,Mally's every way complete.
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.